Një avion i “Ethiopian Airlines” është rrëzuar më herët gjatë ditës së sotme duke u marrë jetën të gjithë personave në bord.
Mediat ndërkombëtare raportojnë se mjeti fluturues u rrëzua pak pas ngritjes nga Addis Abeba.
Linja ajrore njoftoi se në fluturimin nga kryeqyteti etiopian në Nairobi, Kenia ndodheshin 149 pasagjerë dhe tetë anëtarë të ekuipazhit.
Njoftohet gjithashtu se në bord, midis udhëtarëve ishin edhe 32 kenianë, 18 kanadezë, 8 amerikanë dhe 7 shtetas britanikë.
Përplasja ndodhi në orën 08:44 me orën lokale, gjashtë minuta pasi Boeing 737 Max-8, i ri fringo, u ngrit nga pista.
Ndërkohë, ne media janë publikuar edhe fotot nga vendi ku u përplas mjeti fluturues.
Fotot dhe videot tregojnë sendet personale të pasagjerëve të shpërndarë nëpër fushë ndërsa viktimat transportohen me qese të zeza.
