Një infermier në Nju Jork ka shpërndarë një fotografi tepër të trishtë të viktimave nga koronavirusi.
38-vjeçari që punon infermier në një spital në Manhatan thotë se pranë godinës qëndron gjithmonë një kamion frigorifer, i gatshëm të marrë trupat e pajetë të pacientëve që humbasin jetën nga Covid-19.
“E shkrepa që t’ua tregoj njerëzve. Ky është realiteti i kobshëm me të cilin ne përballemi dhe në të cilin shumica prej nesh kanë përfunduar tashmë”, shkruan ai, raporton BuzzFeed.
Kamionët frigoriferë qëndrojnë pranë spitaleve në SHBA, në rast se në morg nuk ka më vende për të mbajtur trupat e pajetë.