Sot e kishin radhën studentët e Universitetit të Korçës, për të cilët ka nisur procesi i shpërndarjes së kartës së studentit.
E pranishme në aktivitet ishte Ministrja e Arsimit, Sportit dhe Rinisë (MASR) Znj. Besa Shahini, Administratori i Postës Shqiptare Z. Laert Duraj, studentë dhe staf drejtues i Universitetit të Korçës.
MASR, në bashkëpunim me Postën Shqiptare, po realizon shpërndarjen e kartës për studentët e universiteteve publike jashtë Tiranës, duke ofruar shërbime publike e private me çmime të reduktuara.
Janë një numër i lartë shërbimesh dhe produktesh që mund të përfitohen, ndërkohë që kësaj karte do t’i shtohen shërbime dhe produkte të reja në vazhdimësi.
Çdo shërbim apo produkt që studentëve u ofrohet me ulje çmimi apo falas, ndihmon në lehtësimin e barrës financiare për ta dhe familjet e tyre.
Ky proces do të vijojë edhe me rrethet e tjera ku ka studentë.
