Pasagjerët e urbanëve në kryeqytet bëhen shpesh dëshmitarë të ngjarjeve të ndryshme, sidomos në orët e para të mëngjesit kur fluksi i njerëzve është shumë më i madh
Ata që kanë mbetur të shtangur ditën e sotme ishin udhëtarët e linjës Kamëz-Qendër, për shkak të një pakoje të çuditshme.
Në pamje të parë duket sikur behët fjalë për një njeri që është futur në një thes, por 2 burrat që e mbanin nuk kanë dhënë shpjegim për “pasagjerin” misterioz që kishin me vete.
Ata madje janë pyetur nga disa pasagjerë dhe disa fëmijë që duket se u bënë kuriozë se ç’mund të gjendej poshtë “paketimit” të bardhë.
Megjithatë dy burrat me ngjyrë kanë vendosur mos të përgjigjen, duke injoruar sytë kureshtarë të qytetarëve.
Një nga pasagjerët ka kontaktuar me redaksinë e “JOQ.al” duke shprehur shqetësimin se burrat mund të ishin duke transportuar ndonjë fëmijë.
Në denoncimin e tij, ai shprehet se:
Përshëndetje JOQ ! Një paketim i çuditshëm sot në urbanin e Kamzës na bëri kureshtar të gjithëve! Fëmijë që pyesnin ë ka njeri brenda apo fantazme!
Ishin dy burra qe e mbajtën së bashku…dukej peshë e rëndë.
Kur u pyetën çfarë po transportonin, nuk dhanë asnjë shpjegim.
Faleminderit nëse e publikoni!”
