Fevzo i ka treguar të gjithëve një anë të panjohur deri më sot. Atë të një krishteri të devotshëm, që të kthen faqen tjetër nëse e godasin tek e para. Ky virtyt i tij i rrallë si shumë të tjerë të afishuara tashmë publikisht, është mësuar rastësisht, gjatë një debati mes dy personazhesh publikë. Romeo Karaj dhe Kastriot Dervishi janë përfshirë në akuza e kundërakuza për çshtje parimore dhe si pa dashje, kanë hedhur dritë mbi një histori të vjetër por shumë të njohur të asaj kohe. Në vtin 1994, gazetari Blendi Fevziu është rrahur nga “persona të panjohur”. Ai vetë, atë kohë akuzoi SHIK-un e Gazidedes si autore të një akti të tillë. Por, tani duket se “dora e padukshme” e ka një emër: Rome Karaj. Vetë Karaj në një shkrim të botuar pak ditë më parë shprehet se i ka kërkuar falje Fevziut për atë ngjarje. Por, më pikante të gjithën këtë histori e bën fakti se urdhëruesi i kësaj rrahje ka qenë Fahri Balliu. Nuk dihen arësyet që mund ta kenë nxitur Fahri Balliun që të urdhëronte rrahjen e Fevziut, sepse helbete kanë kaluar 23 vjet dhe ndoshta as vetë protagonistët nuk e mbajnë më mend. Por, ajo që dihet me saktësi sot, është që Fahri Balliu është një nga të preferuarit e Blendi Fevziut për të qenë herë pas here i ftuar në emisionet e tij “Opinion” në Televizionin kombëtar “Klan”. Morali i fabulës? Edhe dyshoni ju akoma se thënia “kush të rreh, të do”, nuk është e vërtetë?!