Jetën private, Arian Çani e ruan me shumë fanatizëm dhe kjo nuk është më një gjë e re. Janë të rralla rastet kur kapet nga ndonjë foto paparaci me bashkëshorten ose familjen në evente të ndryshme. Po aq të rralla janë edhe intervistat dhe rrëfimet për jetën private. Dhe sa më hermetik që tregohet, aq më shumë ngjall kureshtjen e të gjithëve për të mësuar më shumë për profilin tjetër, jashtë ngjyrës së zezë që njohim prej tij.
Këtë fundjavë, Çani është fotografuar sërish nga paparaci. Në foton e postuar nga Panorama, Çani është shoqëruar nga bashkëshortja dhe vajza. Si ditë pushimi, ata kanë zgjedhur të kalojnë disa orë në një qendër tregtare në Tiranë, por nuk kanë shpëtuar paq.
Drejtuesi i “Zonë e lirë”, jashtë studios bie në sy për stilin sportiv, që këtë herë e ka kombinuar edhe me bashkëshorten dhe vajzën. Natyrisht, kapelën e ka aksesor të preferuar, ndaj nuk e ka harruar as tani.
Familja Çani, notë maksimale për fundjavë.
