Ka nisur seanca gjyqësore në themel për padinë e Rovena Gashit ndaj Arta Markut, pasi Kryeprokurorja e largoi nga posti i drejtueses te Njësia e Dekriminalizimit. Në proces mungon Avokatura e Shtetit, Gashi përfaqësohet nga Çlirim Gjata, ndërsa Arta Marku nga juristja Pranvera Gruda.
Çlirim Gjata u shpreh se pala e paditur duhet të sjellë prova se përse është liruar nga detyra Gashi. “Duhej që pala e paditur duhet të kishte sjellë prova. Cila është kompetenca për të liruar nga detyra Gashin dhe cila procedurë është ndjekur, cili është motivacioni?” tha ai.
Përfaqësuesja e Arta Markut, Pranvera Gruda u shpreh se Kryeprokurorja nuk ka shkelur asnjë ligj. “Arta Marku nuk ka shkelur asnjë ligj, ka respektuar Kushtetutën. Përkohësisht është detyra që do kryej Marku sipas parlamentit por jo funksionet. Funksionet sipas ligjit i ka te plota. Kërkojmë rrëzimin e padisë. Gashi nuk është shkarkuar si prokurore por si drejtore drejtorie” tha ajo.
