Nëse vajzat kujdesen më tepër për imazhin e tyre gjatë festave, edhe djemtë duhet të kenë një ide përsa i përket veshjes së tyre.
Koleksionet e fundit nga markat më në zë për meshkujt na treguan këtë vit se nuk ka rëndësi sa keq stilohesh, por sa rehat ndihesh në atë që vesh.
E kur flasim këtu për “rehatllëkun” ne flasim për bluzat me të thurur, ose siç ne shqiptarët ndryshe na parapëlqen që t’i quajmë triko.
Dizenjot e pulovrave, dhe trikove për meshkujt këtë vit janë frymëzuar edhe nga stili i viteve ’90. Pulovra me rombe, apo me katrorë që vijnë në ngjyrë të zezë me të bardhë janë rikthyer sërish në modë.
Punimet e leshta, me tre ngjyra bazike (zakonisht dy prej tyre janë kafe dhe ngjyra e bardhë e qumështit) janë po ashtu të përdorshme gjatë këtyre ditëve festive.
Një model tjetër i trikove për Natën e Ndërrimit të Viteve janë ato të stamposura. Kur flasim për këtë detaj ju këshillojmë që të vishni një një ngjyrë jo shumë shkëlqyese, dhe të qëndroni tek nuancat neutrale.
Bluzat ose trikot e stamposura janë sërish në preferencat e prodhuesve më të mëdhenj të veshmbathjeve të meshkujve.
Përgatiti: AlpeNews.al
