Në Fier, Arjan Shanaj njihet si një biznesmen i madh dhe i fuqishëm, por nga mediat greke ai cilësohet si bosi shqiptar i kokainës në Ballkan.
Shanjt iu seksuestrua një pasuri që kap vlerën e 12 milionë eurove. Kurse sipas gazetës së përditshmes greke “Espresso”, Shanaj organizonte edhe orgji me modele.
Ai kishte marrë me qira edhe një suitë në një hotel në Athinë ku merrej e punë të pista. Në kohën e lirë ai thërriste modele nga Italia dhe gjithë natën bënte orgji pranë pishinës në një vilë që ka në Greqi.
Kujtojmë këtu se fieraku me datë 20 qershor 2017 u arrestua në flagrancë së bashku me shtetasin grek Th. K., pasi u kapën në Greqi me 20 kg kokainë, me vlerë të përafërt tregu rreth 800 000 euro.
Ai kishte kohë që merrej me menaxhimin e kokainës që vinte nga vendet e Amerikës Latine. Në atë kohë aksioni për arrestimin e fierakut u mbështet edhe nga DEA amerikane.
Pasuria që i është konfiskuar atij përfshijnë 3 shoqëri shoqëri ndërtimi e tregtimi gazi në Fier, Durrës, Tiranë, 1 hotel trekatësh në Fier dhe një njësi shërbimi bashkëngjitur, 2 vila trekatëshe, 5 njësi shërbimi me sipërfaqe 7 982 m2, 3 apartamente banimi, 4 garazhe me sipërfaqe prej 1 092 m2, në Fier, Tiranë, Durrës, 8 793 m2 tokë, në Tiranë, Durrës, Fier, 20 000 euro në llogaritë bankare dhe një automjet me vlerë 40 000 euro.
