Kryetari i Bashkisë së Tiranës, Erion Veliaj ka ironizuar këshilltarët e opozitës që braktisën sot mbledhjen e Këshillit Bashkiak.
Gjatë fjalës së tij Veliaj tha se opozita ka nisur ekskursionet në disa rrethe të vendit.
“Ata thonë pse s’na pyesni ne. Ata thonë; ti bëjmë apel parlamentit që të na e varin ne. Po pse PD dhe LSI nuk shkojnë në Parlament? Këta thanë që ‘mbi trupat tanë do të kalojë ligji për teatrin’, dhe të gjithë duke ngrenë drekë në Vlorë. Pse ne do i bëjmë apel kundërshtarëve tanë që të vinë në Parlament, një ditë ekskursion në Shkodër, një ditë në Elbasan, se ka peshk të mirë dhe verë. Po pse ne e kemi fajin. Meqë po flasim për vetting, eja ta bëjmë atë. Kush do të flasë për teatrin? 83% e qytetarëve të Tiranës duan teatër të ri. Këta që duan të bëjnë protestë, janë të dënuar. Kush do protestojë? Një e kam hequr unë nga puna se vodhi aparatin dhe një tjetër e hoqi LSI se vodhi naftën tek AKBN”, tha Veliaj.
