Kreu i Grupit Parlamentar socialist Taulant Balla ka folur jashtë sallës së Kuvendit ku ndodhet me deputetin gjerman. Balla u shpreh se deputeti gjerman vizitoi sot seancën e Kuvendit.
Deputeti gjerman u shpreh se Social demokratët janë pro hapjes së negociatave për anëtarësimin e Shqipërisë në BE.
“Një mik tjetër i bundestagut gjerman, kësaj radhe i Partisë Social Demokrate Gjermane, anëtar i komitetit për çështjet e Bashkimit Evropian në budestag është sot në parlamentin e Shqipërisë dhe më pas për takime me zyrtarë të lartë të qeverisë shqiptare. Dua ta them me zë të lartë që Partia Social Demokrate gjermane, pjesë e koalicionit qeverisës në Gjermani është një mbështetëse e madhe e procesit të zgjerimit të mëtejshëm të BE-së. Por ajo që është e rëndësishme për ne është që social-demokratët gjermanë mbështetin hapjen e negociatave me Shqipërinë”, deklaroi Balla.
/AlpeNews.al
