Një operacion antikanabis ka bërë Policia në Mallakastër ku janë arrestuar dy persona.
Policia goditi dy raste kultivimi kanabisi në pyllin e Kutës dhe një tjetër në Poçem.
Si rezultat i operacionit janë arrestuar dy autorët, A. Z., 50 vjeç, banues në Vlorë, dhe 25- vjeçari J.Sh, banues në Klos të Mallakastrës.
NJOFTIMI NGA POLICIA
Mallakastër
Tjetër operacion antikanabis nga Komisariati i Policisë Mallakastër.
Gjatë kontrollit të territorit evidentohen dhe goditen dy raste të kultivimit të bimëve narkotike.
Në pranga 2 autorët e dyshuar të kësaj veprimtarie kriminale.
Në vijim të punës për parandalimin, evidentimin dhe goditjen e kultivimit të bimëve narkotike, bazuar në informacione të marra në rrugë policore dhe organizimit të shërbimeve për kontrollin e territorit, nga shërbimet e Komisariatit të Policisë Mallakastër u finalizua me sukses operacioni policor i koduar “Kuta”.
Si rezultat i këtij operacioni, Specialistët për Hetimin e Krimeve në Komisariatin e Policisë Mallakastër, arrestuan shtetasin:
Z., 50 vjeç, banues në Vlorë.
Gjithashtu, u ndalua shtetasi:
Sh., 25 vjeç, banues në Klos, Mallakastër.
Nga tërësia e veprimeve hetimore e proceduriale, rezulton se shtetasi A. Z është autor i kultivimit të disa bimëve narkotike në një zonë të pyllëzuar të fshatit Kutë, dhe shtetasi J. Sh është autori i dyshuar i kultivimit të disa bimëve narkotike në fshatin Poçem, në afërsi të pronës së tij.
Materialet do t’i kalojnë Prokurorisë pranë Gjykatës së Shkallës së Parë Fier për veprën penale “Kultivimi i bimëve narkotike”.
(BalkanWeb)
