Varianti Omicron është bërë dominues në Shqipëri. Mbi 90% e popullsisë është prekur nga varianti i ri.
Mjekja Aurora Meta Dollenberg u shpreh se ka dy qëndrime në lidhje me këtë variant.
Dollenberg: Varianti Omicron është një shans për të gjithë popullatën për tu imunizuar në mënyrë natyrale sa më shpejt sepse aftësia ngjitëse e Omicron është 10 herë më e lartë se e paraardhësve të tij.
Kjo është perspektiva më e mirë për përfundimin e pandemisë. Qëndrimi tjetër është që njëkohësisht një përqindje e lartë e popullatës në Shqipëri janë të pavaksinuar.
Edhe pse Omicron është më pak agresiv në krahasim me variantet e tjera për të pavaksinuarit mund të jetë i rrezikshëm madje dhe vdekjeprurës.
Mjekja tha se “fakti që Omicron është më i lehtë nuk është një garanci që ne nuk do infektohemi madje dhe disa herë brenda një periudhe 3 mujore.”
Dollenberg: Vaksinimi është me rëndësi, jo se të mbron nga infektimi, por të mbron nga komplikimet dhe rreziku për fatalitete nga Omicron.
Sa zgjat Omicron?
Dollenberg: Pas ditës së 10, deri në ditën e 14 personi që ka dalë pozitiv me Omicron por dhe me variantet e tjera të coronavirus, ky person nuk është më infektues. Ai është mbartës, është pozitiv në testin e PCR, pro nuk infekton të tjerët prandaj dhe karantina prej dy javësh mjafton për të stopuar zinxhirin infektues.
Dollenberg tha se edhe Shqipëria po arrin pikun për i përket numrit të të infektuarve. Shumë shtete në Evropë po shkojnë drejt rreptësimit të masave. Ndërsa në Shqipëri tha mjekja edhe pse janë të shkruara në letër, masat nuk zbatohen. Duhet të jenë qytetarët ata të cilët duhet të ndërgjegjësohen dhe të zbatojnë masat.
