Ushqimi i një diete të pasur me acide yndyrore omega-6 mund të zvogëlojë rrezikun e diabetit të tipit 2 në më shumë se një të tretën, tregon një rishikim i ri.
Nga një analizë e pothuajse 40,000 të rriturve në 20 studime, studiuesit zbuluan se njerëzit që kishin nivele më të larta të acidit linoleik, një formë kryesore e omega-6, kishin më pak gjasa të zhvillonin diabetin e tipit 2 sesa ato me nivele më të ulëta të acidit yndyror, transmeton Indeksonline.
Diabeti i tipit 2 ndodh kur trupi nuk është më në gjendje të përdorë në mënyrë efektive insulinën, hormon që rregullon glukozën në gjak ose kur pankreasi nuk prodhon insulinë të mjaftueshme. Si rezultat, nivelet e glukozës në gjak bëhen shumë të larta.
Sipas Qendrave për Kontrollin dhe Parandalimin e Sëmundjeve (CDC), rreth 30.3 milionë njerëz në Shtetet e Bashkuara kanë diabet dhe shumica e rasteve janë të tipit 2.
Një dietë e shëndetshme konsiderohet një nga mënyrat më të mira për të parandaluar diabetin e tipit 2.
Yndyrnat si omega-3 dhe omega-6 duhet të jenë pjesë e një diete të shëndetshme, megjithëse në moderim.
