Këtë të enjte, një zyrtar i mbrojtjes tha për NBC se forcat ushtarake amerikane janë urdhëruar të përgatiten për të ruajtur sigurinë e fushave të naftës në Sirinë Veriore, për të parandaluar rënien e tyre në duart e ISIS.
Numri i mundshëm i trupave që do të përfshihen në zonën e Deir ez_Zor, nuk është përcaktuar ende, por “nuk po flasim për mijëra”, u shpreh zyrtari duke rajtur anonimitetin. Nëse ky operacion do të miratohet, atëherë, do të zhvillohet kryesisht pranë militantëve të forcave demokratike siriane, tha ai.
Një zyrtar i lartë i mbrojtjes tha veçmas për ‘NBC News’ se, Presidenti Donald Trump, u njoftua nga Sekretari i Mbrojtjes, Mark Esper, dhe gjenerali i ushtrisë Mark Milley, kryetari i Shefave të Përgjithshëm të Shtabit, për rëndësinë e sigurimit të fushave të naftës në mënyrë që ato të mos zihen dhe përdoren për të financuar aktivitetet terroriste të ISIS-it.
Zyrtari tha se, Gjeneralit të Flotës Detare Kenneth McKenzie, dhe njëkohësisht kreut te Komandës Qendrore të ShBA-së, iu dha një numër opsionesh, mes tyre edhe dërgimi i tankeve në rajon, vendosja e forcave nga një brigadë e blinduar dhe përdorimi i aseteve ajrore për të mbështetur forcat tokësore.
Trump, sinjalizoi për një veprim të mundshëm në një fjalim nga Shtëpia e Bardhë të mërkurën, kur ai tha “ne do t’i mbrojmë” fushat siriane të naftës.
“Ne e kemi siguruar naftën, dhe për këtë arsye, një numër i vogël i trupave amerikan do të qëndrojë në zonat ku ata mbajnë naftën,” tha ai.
Kujtojmë se Shtetet e Bashkuara, njoftuan në fillim të këtij muaji se do të tërhiqnin forcat e tyre nga Siria veriore. Kjo gjë u pa si një goditje e madhe për Forcat Demokratike Siriane të udhëhequra nga kurdët, ose ndryshe SDF.
Turqia dhe Shtetet e Bashkuara janë alete të NATO-s, ndërsa, kurdët kanë qënë aleatët kryesor i Amerikës në luftën kundër ISIS, por Turqia i cilëson ata si armiq dhe terroristë
