Organizata Botërore e Shëndetësisë (OBSH), ka raportuar rritje rekorde të numrit të të infektuarve me koronavirus brenda një dite, duke veçuar po ashtu se Amerika Veriore dhe ajo Jugore kanë qenë në krye të listës.
Kjo Organizatë tha të hënën se numri total i rasteve të reja në 24 orët e fundit ka arritur në 183,020, dhe më shumë se gjysma – 116,000 – kanë qenë në territoret amerikane.
Në një raport më të detajuar, është kuptuar se Brazili ka raportuar më së shumti raste, 54,771, Shtetet e Bashkuara kanë qenë të dytat, 36,617, dhe India e treta me 15,400 të infektuar.
Brazili është bërë vendi i dytë, pas SH.B.A.-së, që regjistroi më shumë se 50,000 vdekje të lidhura me Covid-19.
Pika e zjarrtë vjen mes trazirave në rritje politike dhe ditë pasi vendi konfirmoi më shumë se një milion infeksione koronavirus.
Ekspertët paralajmërojnë se kulmi i shpërthimit në Brazil është ende disa javë larg.
Të Dielën, ministria njoftoi se 641 vdekje të tjera ishin regjistruar në 24 orët e kaluara, duke shkuar në total 50.617.
Territoret amerikane kanë regjistruar më së shumti të vdekur po ashtu, 219,000, ndërsa Evropa renditet e dyta me 193,000 viktima, sipas OBSH-së.
Ndërkohë, të dhënat e Universitetit Johns Hopkins, tregojnë se në nivel global, numri total i të prekurve me sëmundjen Covid-19, që shkakton koronavirusi, ka arritur në 9 milionë dhe mbi 466,000 prej tyre kanë vdekur
