Kryeministri Edi Rama duket i sigurtë në fitoren e Partisë Socialiste jo vetëm në këto zgjedhje por edhe për 10 vite të tjera.
I pranishëm në një konferencë për shtyp, Rama iu përgjigj gazetarëve duke thënë se qeveria ka bërë punë çdo ditë të dy mandateve.
“Nuk kemi akoma 8 vite në qeveri, se kemi filluar në fillim të shtatorit të 2013. Ditët, javët dhe vitet tona janë mbushur me punë dhe kur të bëhen 8 do kemi bërë më shumë punë. Programi ynë është i ditur publikisht.
Ne kemi vendosur shtyllat, dhe vazhdojmë të punojmë. Ne do bëjmë publike një platformë me një program pune. Do jetë një vizion pune për Shqipërinë deri në vitin 2030. Që të jeni të qartë deri në 2030 do jetë PS në pushtet, me apo pa mua, jo jo që mos thoni se do ju bëhem gogol, e kam për Partinë Socialiste,” tha Rama.
