Ish-deputeti i LSI-së, Petrit Vasili, ishte tejet i ashpër ndaj deklaratës së kreut të OSBE-së Bernd Borchardt, i cili tha se ç’të mirë do të sillte shtyrja e zgjedhjeve në Shqipëri.
I ftuar në RTV Ora, Vasili tha se prej kohësh nuk i intereson se çfarë thotë ky diplomat, teksa kujtoi se Borchardt heshti edhe në 2008 kur u bënë ndryshimet kushtetuese pasojat e të cilave po i vuajmë dhe sot.
“Kjo pyetje është për humor, nuk më intereson se çfarë thotë prej kohësh.
E kam dëgjuar këtë zotëri kur ka qenë Ambasador i Gjermanisë në Shqipëri në 2008 kur luftohet për Kushtetutën dhe e pranojnë të gjithë se ishte një turp i madh ajo që ndodhi dhe po e vuajmë sot e kësaj dite.
Ka qenë dhe një grevë urie për kodin alla spanjoll që u prodhua në atë kohë dhe ky zotëri ishte një nga ata milituesit e mëdhenj për të cilin nuk kishte rëndësi as mesazhi i grevës së urisë, as protestat e mëdha.
Për herë të parë sheshet e Shqipërisë u mbushën për mbrojtjen e Kushtetutës.
Ky zotëri ka qenë nga ata që thoshte nuk ka gjë, shumë e mirë kjo Kushtetutë, shumë i mirë sistemi spanjoll që ka problemet e basteve dhe të gjithëve.
I pyetur se pse nuk duan të shohin ndërkombëtarët problemet në Shqipëri dhe pse janë kundër opozitës, ai tha:
“Udhëheqjen e rrugës nuk e gjej nga këta.
Ujin ne e pimë në burim jo në pikën e fundit ku kryqëzohen ujërat me ujërat e pista.
Raporti i DASH ka përcaktuar të gjithë linjën dhe strategjinë e opozitës.
