Shtëpia e prindërve të gazetares së kronikës, Klodiana Lala, është sulmuar nga persona të paidentifikuar duke u gdhirë e enjtja. Ngjarje kjo, që tronditi opinoni publik, e ngriti në këmb politikën shqiptare dhe jo vetëm.
Pas sulmit me armë ndaj gazetares Lala, janë solidarizuar shumë gazetarë në vend, por gjithashtu ka pasur edhe mendime “kundër turmës”, siç ishte ai i aktivistes Brizida Gjikondi.
Në një intervistë ekskluzive për AlpeNews.al, Gjikondi sqaron kuptimin e statusit të saj si dhe flet mbi situatën aktuale të vendit.
Dje me anë të një shkrimi u shprehët se nuk tu përlotën sytë për gazetaren Lala. A është ky një qendrim kundër rrymës apo kundër gazetares ?
Nuk është kundër gazetares Lala, as kunder rrymes, pasi për mua rryma është ligji, hetimi dhe e verteta.
Pse mendoni që sulmi nuk ishte për shkak të profesionit?
Nuk e mendoj, as nuk e përjashtoj, por çdo jurist me dy gram mend e di që nuk përjashtohet asnjë pistë hetimi. Te gjithë banorët madhore të familjes kanë jetët e tyre private dhe profesionale që duhen verifikuar, përfshi këtu edhe gazetaren Lala, edhe pse ajo nuk është banesa e saj.
Sulmi ndaj familjes së gazetares pavarësisht se ajo nuk banon me ta, a është cënim i jetës së saj shpirtore dhe profesionale?
Po është si shpirtërore dhe profesionale, dhe jo vetëm për atë por për çdo shqiptar që jeton në Shqipëri.
Ashtu si edhe në shkrimin tuaj, e mendoni vërtet se gazetaria që ka zbuluar “llahtarën e mafies” nuk është në rrezik?
Jam skeptike për ekzistencën dhe kurajon reale dhe analitike të gazetarisë investigative këtu tek ne, mendoj se në Shqipëri mafia ka kapur shtetin, median, ekonomine dhe shume çka.
A kishte reagime ndaj jush për qendrimin kundër që keni mbajtur, dhe të cilës natyrë ishin ato ?
Une shkruajta thjeshtë një status në faqen time personale të Facebook-ut, reagime ka patur, sidomos me sa kuptova nga militantë politikë të cilët krime të shëmtuara si kjo ndaj banesës së familjarëve të gazetares Lala duan ti shndërojne në kuaj beteje dhe kauza personale.
Përgatiti: AlpeNews.al
