Ervin Salianji vijon të zhvillojë takime me simpatizantë të PD-së, pavarësisht se ishte skualifikuar nga lista e kandidatëve për deputetë.
Ai ka sfiduar në mënyrë të hapur komisionin e Vlerësimit në PD të mbiquajtur “Ruli”, teksa sot, në kuadër dhe të ditës së rinisë, 8 Dhjetori, ishte në Korçë ku ka zhvilluar një takim me disa simpatizantë pranë stadiumit të skuadrës së Skënderbeut.
Mbështetësit e PD-së kishin ardhur të gjithë me makina duke respektuar dhe masat e distancimit social, ndërkohë që vetë Salianji qëndronte në një karroceri makine me mikrofon në dorë!.
Salianji shprehet se PD po u jep qytetarëve një alternativë për ata të cilët presin reagim dhe sakrificë.
“Është i jashtëzakonshëm ky komunikim në një formë ndryshe, duke respektuar të gjithë rregullat e pandemisë por duke kërkuar dhe duke vendosur në plan lëvizjen, qëndresën dhe guximin e çdo të riu.
Jo vetëm për të përkujtuar këtë datë të rëndësishme për Shqipërinë dhe shqiptarët, por edhe për të përcjellë një mesazh që të rinjtë e sotëm, që qytetarët e sotëm anëembanë vendit presin reagim, presin sakrificë dhe ne po jua japim atë në mënyrë të përditshme.
Largimi i qytetarëve dhe shfryrja e dufit duke u larguar nga ky vend janë armët e vetme që ka kjo qeveri sot.
Armët që ne kemi sot së bashku me, janë armë të guximit dhe armë të qëndresës për të larguar një orë e më parë një qeveri e cila po i pi gjaku qytetarëve shqiptarë vetëm për të majmur dhe shëndoshur një grusht njerëzish” – tha Salianji.
Nderkohe qe ne rrjetin social ai ka ka paraprire takimin duke thene se “Sot në Korcë me dhjetra të rinj brenda kushteve që dikton pandemia!
8 Dhjetori 90 sakrifica e të rinjve ishte sublime,ata rrezikonin gjithçka kishin jetën, familjen, por zgjodhen te luftojnë për të ardhmen! Për Shqipërinë si Europa!
Sot me shtetin monopartiak, shtetin e krimit dhe bandave përpjekja dhe fuqia për t’i përmbysur në përballje, janë e vetmja zgjidhje.
E ardhmja është në duart tuaja, së bashku do sfidojmë e të shpëtojmë demokracinë!
