COVID-19 duket se nuk ekziston për shqiptarët e Kosovës, pasi radhë të gjata mjetesh janë krijuar në Morinë, të cilët po dynden drejt Shqipërisë.
Nxitur nga temperaturat e ngrohta në vendin tonë, mijëra shqiptarë nga Kosova po vijnë drejt Shqipërisë për të kaluar fundjavën apo edhe për shërbime shëndetësore.
Për pasojë radhë të gjata mjetesh me targa të Kosovës për të hyrë në Shqipëri janë krijuar në doganën e Morinës, deri në territorin e Kosovës.
Mësohet se rreth 12 mijë shqiptarë të Kosovës dhe 4500 mjetë kanë kaluar kufirin në doganën e Morinës, ndërkohë që për të hyrë në territorin shqiptar pritjet zgjasin deri në 30 minuta.
Për të përballuar fluksin, policia kufitare po punon me 5 sportele dhe procedurë të përshpejtuar, por radha mbetet sërish shumë e gjatë.
Vetëm këtë janë kanë hyrë në Shqipëri, rreth 20 mijë shtetas kosovarë.
