Pas ditës më të trishtë të vitit ‘’Blue Monday’’ bëhuni gati të buzëqeshni pasi dita e sotme mund t’ju servirë surpriza nga më të dëshiruarat, sidomos nëse keni kohë që përpiqeni për të mbetur shtatzënë. Sipas një studimi të ‘’Channel mum’’ 17 janari është dita ku shumë gra zbulojnë se janë në pritje të një fëmije. Sipas Siobhan Freegard, më hulumtimin e mësipërm u përfshinë 45.020 gra fertile të moshës 24-50 vjeç dhe rezultatet treguan se 10.000 prej tyre ishin në pritje të tij.
Themeluesi i ‘’Channel mum’’ shpjegon se ky boom shtatzënish është mëse i justifikueshëm pasi OBSH (Organizata Botërore e Shëndetësisë) ka përcaktuar datën 2 janar si ‘’Baby Making Day- Dita e ngjizjes’’.
Freegard u ndal gjithashtu edhe tek një temë për të cilën flitet shumë pak, varësia nga testi i shtatzënisë. Të dhënat treguan se 62 në 100 gra përsërisin 6 herë këtë test derisa të sigurohen plotësisht. Testi i shtatzënisë duhet të bëhet herët në mëngjes, më saktë gjatë urinimit të parë të mëngjesit.
Ekziston një arsye shkencore për këtë gjë pasi ai mat nivelin e HCG (human chorionic gonadotrophin), një hormon që prodhohet nga placenta e femrës. Ai gjendet në nivele më të larta në urinën e parë të mëngjesit në krahasim me momentet e tjetra të ditës, prandaj testi duhet bërë në këtë moment. Saktësia e testit të shtatzënisë është 97%, duke lënë kështu një marzh gabimi në nivelin 3%. Mundësia e gabimit në rezultat është më e madhe nëse po përdorni ilaçe për çrregullimet hormonale ose qetësues të çfarëdoshëm.
