Kryetarja e LSI-së, Monika Kryemadhi shprehet e bindur për fitoren e opozitës së bashkuar në zgjedhjet e 25 prillit të 2021.
Kryemadhi tha se opozita që “do të shkojë në zgjedhje si një korpus i vetëm kundër Ramës”, do të marrë mbi 100 mandate.
Ajo tha në emisionin “5 pyetje nga Babaramo” se bindjen e fitores në zgjedhje e ka nga sondazhet, që tashmë sipas saj kryhen edhe nga oligarkët.
Pjesë nga deklarata e Kryemadhit për listat e hapura dhe koalicionet parazgjedhore:
Listat e hapura janë demagogji, për të larguar vëmendjen nga problematikat e qeverisjes. Ishte për të krijuar një fokusi debati, por në fakt në vetvete listat nuk janë të hapura. Por ne sot si opozitë kërkojmë lista të hapura 100%. Besoj se do ta miratojnë. Rama nuk ka për ta pranuar kurrë një gjë të tillë, sepse do të jetë kandidati më pak i votuar.
Opsioni ynë është në unison me PD, të jeni të sigurtë se tashmë gjithçka është e haur për sa i përket koalicionit. Si do renditet apo si do të shfaqet, është thejshtë një tërheqje vëmendje për sa i përket problemeve që ka vendi sot. Ne do të shkojmë si një korpus i vetëm, si një grup kundër Edi Ramës. Ne deri më sot nuk kemi një listë të përbashkët. Është më keq se në ’97, do marrim më shumë se 100 mandate. Kemi sondazhe ne dhe të gjithë, edhe oligarkët. Edhe ata bëjnë sondazhe se duan të shohin si do të shkojë situata.
