Ish ministri i LSI Ylli Manjani me anë të një reagimi në rrjetet sociale shkruan se është devijim i rëndë kur të rinj që shkojnë në universitet për t’u arsimuar dhe përfundojnë në politikë.
Sipas Manjanit ky model shton analfabetizmin funksional në politikë dhe si pasojë rinia zgjedh të largohet.
Postimi i Manjanit:
Është devijim i rëndë kur të rinj që shkojnë në universitet për t’u arsimuar dhe përfundojnë në politikë.
Modeli që ndërpret shkollën për t’u bërë deputet apo anëtar partie është dështim, si për rininë ashtu edhe për politikën.
Ky model shton analfabetizmin funksional në politikë.
Shoqëria humb burime njerëzore profesionistësh.
Familjet humbin investimet e tyre për të ardhmën e fëmijëve.
Sistemi edukativ përmbyset i gjithi.
Rinia demotivohet dhe në kushtet e përhapjes së analfabetizmi dhe antivlerave, largohet nga vendi…
Zgjidhje ka, pa dyshim. Po si fillim duhet departizimi i rinisë…
