Organizata Botërore e Shëndetësisë ka raportuar se spitali Nasser i Gazës ka dalë jashtë funksionit gjatë një sulmi izraelit. Trupat e Forcave të Mbrojtjes të Izraelit (IDF) hynë në kompleks të enjten, duke u shprehur se inteligjenca tregoi se pengjet e marra nga Hamasi po mbaheshin atje. OBSH tha se nuk ishte lejuar të hynte në vend për të vlerësuar situatën. Izraeli e ka përqendruar fushatën e tij kundër Hamasit në qytetin jugor të Gazës, Khan Younis dhe ka treguar se mund të vazhdojë në jug deri në Rafah.
Nga ana tjetër, ministria e Shëndetësisë e drejtuar nga Hamasi në Gaza thotë se vetëm katër personel mjekësor mbetën në spital duke u përpjekur të kujdeseshin për pacientët e mbetur. Luftimet janë ndezur rreth vendit të Nasser për javë të tëra. Izraeli ka pretenduar vazhdimisht se Hamasi po përdor spitalet, së bashku me shkollat, si baza operative. Ushtria izraelite thotë se ka vrarë rreth 20 luftëtarë të Hamasit dhe ka sekuestruar armë të shumta në zonën e spitalit.
Të paktën 1200 njerëz u vranë gjatë sulmeve në Izrael nga persona të armatosur të udhëhequr nga Hamasi më 7 tetor të vitit të kaluar. Si kundërpërgjigje, Izraeli nisi një fushatë ushtarake në Rripin e Gazës. Më shumë se 28,400 palestinezë, kryesisht gra dhe fëmijë, janë vrarë dhe më shumë se 68,000 janë plagosur që nga fillimi i luftës, sipas ministrisë së shëndetësisë të drejtuar nga Hamasi.
Ai shtoi se të paktën 127 palestinezë janë vrarë dhe 205 të tjerë janë plagosur në 24 orët e fundit. Pavarësisht luftimeve të vazhdueshme në Gaza, përpjekjet për të ndërmjetësuar një armëpushim midis Izraelit dhe Hamasit janë zhvilluar në Kajro ditët e fundit edhe pse nuk ishte “shumë premtues”.
