Deputetja Rudina Hajdari e ftuar në ‘A-Show” në News 24, u pyet për deklaratat e disa muajve më parë për të lënë mandatin e deputetes.
Ajo u pyet edhe për përjashtimin nga Partia Demokratike.
Hajdari: Momentin që unë e mora këtë vendim, prita pak kohë. Doja të shikoja… Kam thënë që të lë mandatin tim për studentët.
Por gjej rastin ta shpjegoj sot; ka të njëjtën vij logjike me atë që ndodh sot. Studentët donin ndryshim. U ngritën kundër kësaj klase politike.
Kjo mua më mërziti shumë. Në ato momente isha në Qytetin Studentit, para bustit të tim at dhe në anën tjetër ishin studentët.
Adi Krasta: Ky vendim është një ‘vetëvrasje’ politike. Je e përgatitur ti zonjë që të të nxjerrin nga ajo parti?
Hajdari: Nuk më nxjerrin dot nga ajo parti. Vetëm nëse demokratët më thonë nuk të votojmë më. Kjo shihet tek vota.
Ajo u pyet nga Krasta, edhe nëse nuk hoqi dorë nga mandati i deputetes për shkak të vettingut në drejtësi ku pritet të dalë edhe nëna e saj, gjyqtarja Fatmir Hajdari.
“Nuk më ka shkuar fare në mend sepse është komplet jashtë asaj që unë dua për të kontribuuar në Shqipëri.
Mamaja ime ka jetën e saj, vettingu, reforma në drejtësi ka marrë rrugën e saj.
Nuk ndikoj dot në këtë proces. Mamaja ime ka qenë gjyqtare para se unë të hyja në politikë”, tha ajo.
Mediat pranë Berishës e Bashës e kanë sulmuar ashpër Rudina Hajdarin, duke aluduar se ajo nuk e lëshoi mandatin e deputetes, pasi i është premtuar që mamaja e saj, Fatmira Hajdari, nuk do të preket nga vetingu.