Mbrëmjen e sotme kryetarja e LSI, Monika Kryemadhi është e ftuar në emisionin ‘Open’, ku që në nisje është përplasur me avokat Spartak Ngjelën, por nuk ka kursyer as drejtuesen e emisionit.
Sapo Kryemadhi u fut në lidhje live me studion, avokat Ngjela ka ndërhyrë duke thënë se nga opozita nuk është dorëzuar asnjë deklaratë personale për lënien e mandateve.
Por menjëherë avokatit i është kthyer Monika Kryeamdhi, e cila ka thënë se në Kuvend janë dërguar 17 deklaratë për lënien e mandateve, ndërkohë që më pas i është kthyer dhe drejtueses Eni Vasili, duke i thënë se është e disata herë që nuk tregohet korrekte me LSI.
DEBATI:
Ngjela: Nuk është dorëzuar asnjë deklaratë personale në Kuvend
Kryemadhi: Janë 17 deklarata të firmosura me datë, emër dhe mbiemër
Opozita s’ ka për detyrë të shpjegojë asnjë vendim të sajin për ty dhe ndonjën tjetër që i shërben Ramës
Zonja Vasili është e disata herë që ju nuk tregoheni korrekte me LSI
Zoti Ngjela gënjen, dhe nëse Ngjelën e gënjen Kuvendin ne jemi të bindur dhe më shumë për vendimin tonë
Vazhdojmë të hyjmë në temë nëse doni të flasim
Eni Vasili: Do flasim por nuk mund të më censuroni në emisionin tim
Keni qenë e ftuar këtu, keni thënë cfarë keni dashur e si keni dashur
