Vajza e re e cilësuar si e infektuara e 69 me covid 19 në Shqipëri ka shpërndarë një video sensiblizuese duke lajmëruar qytetarët se pse duhet të rrinë në shtëpi. Vajza e re sqaron se ajo nuk ka pasur asnjë kontakte me të prekurit nga koronavirusi apo persona të ardhur nga Italia apo vendet e tjera të prekura duke sqaruar se ku virus i rrezikshëm prek edhe të rinjtë dhe energjikë e të fortë duke bërë ata vurnerabël dhe të dobët, por edhe se ai gjendjet kudo dhe jo vetëm te disa persona me histori udhëtimi në Itali.
Mesazh është për të gjithë të rinjtë dhe qytetarët dhe mjaft realisht për situatë që ajo po përjeton dhe familja e saj. Video është shpërndarë nga kryeministri Rama, i cili jo vetëm i uron shërim të shpejtë, por e vlerëson për kurajën dhe të vërtet që ndau me të gjithë për të ndërgjegjësuar qytetarët që duhet të qëndrojnë në shtëpi dhe të bëjnë kujdes.
“Ti zemër do ia dalësh padiskutim dhe unë jam me ty, të gjithëve ne jemi me ty, deri kur të shërohesh plotësisht! Por ti meriton edhe një falenderim të me gjithë zemër, për fjalët e thjeshta, të vërteta, të ndjera, që ke ndarë me të gjithë ne, sot kur të gjithë kanë nevojë të dëgjojnë dhe disa prej nesh, kanë akoma nevojë të kuptojnë që jemi në një luftë botërore për jetën, jo në një lojë kukamçefthi, ku kemi të drejtën të mërzitemi e të ankohemi pse po e kufizojmë skajshmërisht lirinë tonë!
Ti nuk ke nevojë për kurajo, sepse dalja jote publikisht tregon se kurajon e ke të jashtëzakonshme, kështu që unë nuk mund të të jap kurajë ty, po dua të të falenderoj për kurajën që ti më dhe mua me fuqinë magnetike të brishtësisë tënde. Përqafime nga larg dhe me patjetër do të takohemi kur të mbarojë lufta’, shkruan Rama.
Deri në këto momente në vendin tonë kanë rezultuar pozitiv 76 persona, mes të cileve dy kanë humbur jetën dhe dy janë shëruar duke lënë spitalin.
