i Reform UK, Nigel Farage, i ka bërë thirrje kryeministrit britanik Andy Burnham të shpallë zgjedhje të përgjithshme, duke argumentuar se ai nuk ka një mandat të drejtpërdrejtë nga qytetarët për të zbatuar ndryshimet që ka paralajmëruar.
Gjatë një tubimi në Norfolk, Farage deklaroi se Burnham mori drejtimin e Partisë Laburiste pa garë dhe, sipas tij, nuk ka legjitimitetin e nevojshëm për të ndërmarrë reforma të mëdha politike.
“Nuk mund të bësh ndryshimin më të madh në politikën britanike në 40 vitet e fundit pa një mandat nga populli britanik. Do të ishte e drejtë dhe e përshtatshme të shpalleshin zgjedhje të përgjithshme dhe kjo të ndodhte tani”, u shpreh Farage.
Deklaratat e tij vijnë ndërsa vetë Farage është rikthyer në garën për vendin parlamentar të Clacton, pasi dha dorëheqjen si deputet më 7 korrik, në mes të shqyrtimit të financave të tij dhe një hetimi parlamentar.
Në zgjedhjet e pjesshme për këtë zonë, Farage është kandidati i vetëm nga një parti e madhe e Westminsterit, pasi Laburistët, Konservatorët, Liberal Demokratët dhe Partia e Gjelbër kanë vendosur të mos paraqesin kandidat. Në total, në garë janë konfirmuar 34 kandidatë.
