Kolegji i Posaçëm i Apelimit ka vendosur të lejë në fuqi vendimin e Komisionit të Pavarur të Kualifikimit për të shkarkuar nga detyra gjyqtaren e Gjykatës Kushtetuese, Altina Xhoxhaj.
Trupa gjykuese e përbërë nga Ina Rama, relator Ardian Hajdari dhe anëtarët Albana Shtylla, Luan Daci dhe Natasha Mulaj, kanë shqyrtuar ankimimin e Xhoxhajt.
Gjyqtarja Altina Xhoxhaj u shkarkua më 3 maj të këtij viti, nga KPK, pasi nuk justifikonte dot pasurinë.
Në seancën dëgjimore të zhvilluar nga KPK, doli në përfundimin se Xhoxhaj nuk justifikonte burimin e të ardhurave të saj për apartamente e truall në Tiranë dhe te Gjiri i Lalzit, si dhe nuk justifikon shumën prej 4.4 milionë lekë.
Pas vendimit të KPK, Xhoxhaj e ankimoi në KPA, por duket se edhe ky organ i Vetting-ut e ka lenë jashtë sistemit të drejtësisë gjyqtaren.
Me shkarkimin përfundimtar të Altina Xhoxhajt, gjykata Kushtetuese ngelet sërish e bllokuar pasi anëtarët e saj janë djegur nga Vettingu.
