Institucionet e vettingut po vijojne pa u ndalur procesin e gjykimit administrativ te gjyqtareve dhe prokuroreve te sistemit te vjeter te drejtesise. Pas Adriatik Llallës, në Kolegjin e Posaçëm të Apelimit, ose siç njihet ndryshe shkalla e dyte e vettingut, radha i ka ardhur ish anetarit te Gjykates Kushtetuese te vendit, Fatos Lulo. Me hedhjen e shortit gjate dites se sotme, trupen gjykuese te kesaj dosje do ta kryesoje Luan Daci.
Fatos Lulo u rrezua pak jave me pare nga Komisioni i Pavarur i Kualifikimit. Anëtari i Gjykatës Kushtetuese nuk e ka kaluar Vettingun për shkak se nuk mund të justifikonte pasurinë e tij. Në përfundim të vlerësimit të gjykatësit, Komisioni i Pavarur i Kualifikimit e shkarkoi gjykatësin nga detyra për shkak të pasurisë së tij.
Gjykatësi Fatos Lulo nuk arriti të justifikojë 480 mijë dollarë me të cilat do të blinte një shtëpi në Kanada dhe 100 mijë euro. Të dyja këto shuma, gjykatësi pretendoi se ia kishte marrë të motrës hua apo si dhuratë.
Njoftimi i sotëm i Kolegjit të Posaçëm të Apelimit:
Në Kolegjin e Posaçëm të Apelimit është regjistruar çështja Nr.4/JR, datë 23.05.2018 që i përket ankimit të paraqitur nga subjekti i rivlerësimit z.Fatos Lulo për:
– prishje të vendimit Nr.12, datë 23.03.2018 të Komisionit të Pavarur të Kualifikimit dhënë ndaj subjektit zotit Lulo
– konfirmimin në detyrë të subjektit z.Lulo
Sot, në datën 24.05.2018 në Kolegjin e Posaçëm të Apelimit u hodh shorti për caktimin e trupit gjykues, kryesuesin e këtij trupi dhe relatorin e çështjes.
Trupi gjykues i caktuar me short është i përbërë si më poshtë vijon:
Kryesues: Luan Daci
Relator: Natasha Mulaj
Anëtarë: Albana Shtylla
Ardian Hajdari
Sokol Çomo
Përgatiti: Alpenews.al
