Një 42-vjeçar shqiptar ka gjetur vdekjen në Parma të Italisë, pasi u përfshi në një aksident automobilistik. Viktima është Ilir Dobjani. Ai lëvizte me një scooter në Collecchio, kur u përplas nga një makinë. Ngjarja e rëndë ndodhi rreth orës 23:30 të së premtes.
Sipas mediave italiane, Dobjani po kthehej në shtëpi kur u përplas me një makinë Alfa Mito, që udhëtonte në të njëjtin drejtim me të, në rrugën Spezia.
Pavarësisht se mbante kaskë, 42-vjeçari pësoi dëmtime të rënda në kokë. Ai dërgua me urgjencë në spital, por pavarësisht ndihmës mjekësore ndërroi jetë 36 orë më vonë./tvklan.al
