Ish kryeparlamentarja, Jozefina Topalli ka folur me nostalgji për hapat e parë në politikë në radhët e Partisë Demokratike.
Në emisionin “Aktualitet” në Fax News, Topalli tha se në fillimet e saj në selinë blu ishin anëtarët ata që investonin për partinë dhe se asnjëri nuk pyeste për interesa personale.
“E vërteta është liria ime dhe e secilit prej nesh. Nëse nuk i qëndrojmë të vërtetave, nuk jemi këto që jemi. Kam qenë 32 vjeçe kur filluam opozitën e ’97-ës dhe në PD kishte një numër që përfundonte me gishtat e një dore dhe lëvizja në të gjithë Shqipërinë për të ngritur PD bashkë me të tjerë nën drejtimin e Berishës. Jo të mendonim të përfitonim për interesa personale, por jepnim edhe atë që kishim të fundit që ishte rroga me të cilën mbanim familjen, kështu që nuk ka lidhje ajo opozitë me situatat aktuale,”- tha Topalli.
