Erdhi koha të njihemi me vajzën më të vogël të futbollistit të famshëm Cristiano Ronaldo dhe të dashurës së tij Georginia.
Fëmija i katërt i Cristiano Ronaldo-s është ylli më i fundit në kopertinën e Hola Magazine, bashkë me të ëmën, modelen Georgina Rodriguez.
“Emrin e zgjodhëm të dy. Cristiano zgjodhi Alana, unë zgjodha Martina. Vendosëm t’ia vëmë të dy emrat. Na u duk më e veçantë,” tha 23-vjeçarja për revistën latine.
Vajza e çiftit u lind më 12 nëntor dhe është më e vogla deri tani nga shtatë fëmijët që ka ndërmend të sjellë në jetë Cristiano. Vetëm para pesë muajsh, ai u bë baba i binjakëve Eva Maria dhe Mateo, lindur nga një nënë surrogate.
