Jemi në fund të sezonit veror dhe rastet e reja të COVID-19 po rriten ndjeshëm, por me shpejtësi po rriten edhe rastet me variantin Delta.
Por nuk është vetëm ky variant që po përhapet me shpejtëai, së fundmi sipsas studimeve është vënë re një variant i ri i cocid, “Lambda”.
Sa dimë ne për variantin “Lambda” dhe transmetueshmëria?
Sipas njoftimeve nga OBSH (Organizata Botërore e Shëndetësisë), të cilin e përcakton si variant shqetësues, është përhapur në 27 shtete të ndryshme. Vendin e parë me infektime masive e mban Peruja dhe më pas ndiqet nga Kili.
“Unë mendoj se sa herë që një variant identifikohet dhe demonstron aftësinë për t’u përhapur me shpejtësi në një popullatë, duhet të jeni të shqetësuar,”tha Gregory Polonia, një profesor i mjekësisë dhe drejtor i Grupit të Kërkimit të Vaksinave në Klinikën Mayo në Rochester, Minnesota.
“Lambda” nuk është aq shqetësues sa varianti Delta, por ka mutacione që e bëjnë atë të jetë më transmetues se llojet e tjera.
Një studim në Universitetin e Santiagos në Kili shqyrtoi efektin e Lambda tek personat që kishin marrë dy doza të vaksinës kineze CoronaVac. Rezultoi se Lambda është më infektues se variantet Gamma dhe Alpha dhe ishte i aftë t’u shpëtonte antitrupave të prodhuar nga vaksinat.
Vaksinimi: Sipas një studimi, variantet Beta, Delta, Delta plus dhe Lambda treguan vetëm rezistencë “modeste” kundër antitrupave të nxjerrë nga vaksinat e koronavirusit Pfizer/BioNTech dhe Moderna, duke sugjeruar që vaksinat ende funksionojnë.
Derisa rastet e Covid-19 të zvogëlohen në përgjithësi, mënyra më e mirë për të parandaluar shfaqjen e më shumë varianteve është vaksinimi i plotë dhe respektimi i masave mbrojtëse nga këto variante.
Alpenews.al
