Pantallonat dhe fundet e lëkurës, janë dy nga veshjet klasike dimërore që nuk iu ikën asnjëherë koha.
Qoftë në mbrëmje apo gjatë ditës, kombinimet që mund të bësh me veshjet e lëkurës janë të pafundme.
Pantallonat janë në modë prej vitesh, mirëpo këtë sezon preferohen gjithnjë e më shumë modelet e gjera oversize, që mund të kombinohen me taka ose dhe atlete apo këpucë të sheshta. Por kur vjen fjala për kombinimin e tyre në mënyrën e duhur, shumë femra gabojnë.
Më poshtë keni disa këshilla për t’i kombinuar pantallonat me çdo gjë, bazuar te stili i disa prej femrave më të njohura shqiptare që e ndjekin dhe e pëlqejnë modën.
Duke qenë se lëkura është një variant shumë i mirë për të zëvendësuar xhinset, atëherë kemi shumë variante për t’i kombinuar ato. Një prej tendencave të sezonit janë pantallonat e lëkurës oversize, pra të gjera.
Ky stil i guximshëm është perfekt për femrat e kolme.
KIDA (ORHIDEA LATIFI)
Një tjetër mënyrë është të kombinoni streçet tuaja të lëkurës me një bluzë e cila duhet të jetë pak më e gjatë seç duhet. Në këtë rast nuk do ta keni problem ekspozimin e tepërt të formave duke qenë se bluza supozohet të ketë mbuluar të pasmet tuaja.
JONIDA MALIQI
Pantallonat e lëkurës mund të duken bukur, në qoftë se kombinohen në mënyrën e duhur. Një pallto e kuqe me një palë këpucë leopard me takë, krijon një “look” elegant tejet interesant.
LEDINA ÇELO
Bluzat me dizajne dhe aksesorë të veçantë krijojnë një kontrast fantastik me pantallonat e lëkurës. Ngjyra rozë, gri dhe neutralet mund të kombinohen shumë mirë me ngjyrën e zezë për t’u dukur më ekstavagante.
ERISA KAÇUPI
Nëse keni vetëbesim për trupin tuaj atëherë nxirrini në pah pantallonat e lëkurës me një bluzë Crop-top (të shkurtër). Sigurisht që një kombinim i tillë do të ishte me ideal në një party në club ose në disko, aty ku mund të tregoni ekstravagancën tuaj, larg veshjeve të përditshme.
ERA ISTREFI
/icon
