“Shtëpia Tradicionale e miqve në Bulqizë”, apo ndryshe një kullë 200 vjeçare, mund ta gjeni në fshatin e Lepurakës në Bulqizë.
Në një zonë ku bukuritë natyrore të lënë pa fjalë në të katërta sezonet, “Shtëpia Tradicionale e miqve në Bulqizë” menaxhuar nga Lulzim Hupi, është e para shtëpi në Bulqizë që pret të huaj nga e gjithë bota.
Kjo ndërtesë ndodhet vetëm 3km larg rrugës nacionale Tiranë-Peshkopi dhe është e rrethuar nga një panoramë fantastike, me ajër dhe ujë të freskët.
Ushqimi gjithashtu duket se ka një tjetër histori ku pjatat tradicionale gatuhen nga zonja e shtëpisë, Fije Hupi.
Ndërtesa ka një arkitekturë të veçantë, me gurë po aq të veçantë dhe dritare në forma të ndryshme.
Ndonëse historia e saj daton prej 200 vitesh, vetëm një vit më parë në 2018 është bërë e mundur “hapja” e saj për vendasit e turistët e shumtë.
Vlen të përmendet se kulla ka patur rikonstruksione të vazhdueshme por asnjeherë prishje të origjinalitetit të saj.
Kapaciteti i shtëpisë së miqve mund të mbajë brenda saj 27 persona dhe 5 dhoma.
Dhomat siç shihen edhe në foto kanë një ndërthurje të modernes me tradicionalen, ku kjo e fundit mbizotëron më shumë si për të na kujtuar edhe njëherë mikpritjen e ngrohtë shqiptare.
Përgatiti: AlpeNews.al
