Mungesa e konsumit të mishit nga pjesa më e madhe e popullsisë deri në vitin 2050 do të sillte 7 milionë vdekje më pak në vit dhe reduktim të gazrave në atmosferë. Këto vdekje do të uleshin me 8 milionë nëse ata do të bëheshin veganë. Lëshimet e gazrave në atmosferë të lidhura me ushqimin do të uleshin 60%. Të gjitha këto janë bërë publike në një studim të programit “E ardhmja e ushqimit” nga universiteti ‘Oxford Martin’.
Kjo nëse njerëzit do të eliminonin mishin e kuq nga dietat e tyre dhe rrjedhimisht edhe kafshët që prodhojnë metan. Bagëtitë si delet do të ishin jetësore për të mos pasur një impakt negativ në biodiversitet, ndaj fermerët do të duhej t’i mbanin këto kafshë për arsye mjedisore. Por shmangia e konsumimit të mishit do të ulte shanset për sëmundjet koronare të zemrës, diabetin dhe disa lloje kanceri.
Kjo do të ulte faturën që e gjithë bota shpenzon për ilaçe, e cila shkon në rreth 2-3% të Prodhimit Global Bruto. Mishi do të duhet të zëvendësohej me mënyra të reja ushqyese, sidomos për 2 miliardë njerëz të nënushqyer në botë. Në fakt, studime të shumta kanë treguar se produktet shtazore kanë më shumë vlera ushqyese për kalori, se sa gruri apo orizi.
