Shefja e ISHP Albana Fico, ka thënë se testet e shpejta janë shumë efektivë kur personi testohet në 5 ditëshin e parë pasi është infektuar, sepse sipas saj, ngarkesa virale është më e lartë.
“Është përmirësuar shumë cilësia e mjeteve që ndërhyhet për Covid-19, një ndër to dhe testet e shpejta. Këto teste janë efektive shumë në 5 ditëshin e parë kur ngarkesa virale është e lartë. Pas këtij 5 ditëshi ngarkesa virale ulet dhe aplikohet PCR (tamponi). Mjekët e familjes pas datës 20, do të referojnë një kategori të caktuar pancientësh të cilët përmbushin përkufizimin e saktë për të bërë testin. Ky person referohet brenda ditëve kur testi i shpejt mund të dedektojë rezultatin për Covid”, tha Fico në News 24.
Ajo tregoi dhe cilat janë grupet që do të testohen të parat dhe do trajtohen më më shumë prioritet.
“- Janë pacientë mbi 65 vjeç;
– Personat me sëmundje bashkëshoqëruese;
– Personat që kanë shenja që i dallon mjeku i familjes;
-Persona që shërbejnë në qendra për persona të moshës së tretë”, u shpreh Fico.
