Ekipi i mjekëve dhe infermierëve shqiptarë kanë nisur nga puna në front të parë në luftën kundër COVID-19 përkrah kolegëve të tyre në spitalin e Brescias në Itali.
Ministrja e Shëndetësisë, Ogerta Manastirliu ka publikuar fotot e tyre gjatë momenteve të punës teksa dërgojnë edhe një përshëndetje për popullin shqiptar që i ka mbështetur në misionin e tyre fisnik.
“Sot është një ditë e veçantë për infermierët e ekipit tonë mjekësor që po shërbejnë në Breshia, në një prej zonave më të goditura të Italisë së veriut nga COVID-19. Sapo kanë nisur punën në krah të stafit mjekësor italian në shërbim të pacientëve në spitalin civil të Breshias.FORCA”, shkruan ministrja.
