Kuvendi nisi seancën parlamentare me 1 minutë heshtje në nder të ish deputetit të PS-së, Andis Harasani i cili u nda nga jeta një ditë më parë.
Kreu i PD-së, Sali Berisha akuzoi PS-në se e përzunë. Kryetarja e Kuvendit tha se nuk mund të shfrytëzohet për qëllime elektorale.
Sali Berisha: Nuk mund të mohohet që ju e përzutë atë. E duhet të kërkoni ndjesë. E përzuri Rilindja. Nuk pranoi të bënte kompromis me të keqen. Mund ti kërkoni ndjesë.
Elisa Spiropali: Largimi i njeriut nga kjo botë nuk duhet të jetë objekt cinik diskutimesh elektorale”
Balla: Po bëni politikë me vdekjen. Bufi e korbi janë një. Ju lutem lini familjen të kalojë këtë moment të vështirë.
Sot është seanca e parafundit, dhe pas seancës së të enjtes, 20 mars, parlamenti nuk do të mblidhet duke i lënë partitë të vijojnë përgatitjet dhe më pas fushatën zgjedhore për zgjedhjet e 11 majit.
Seanca e sotme, që shënon rifillimin e punimeve parlamentare, pritet të fokusohet në diskutimin e disa çështjeve me interes publik, të evidentuara nga vetë zgjedhësit. Në rendin e ditës janë përfshirë tema që lidhen me shqetësimet e qytetarëve, të cilat deputetët do t’i trajtojnë në këtë forum përfaqësues.
Ndërkohë, një tjetër zhvillim i rëndësishëm në kuadër të proceseve demokratike është përfundimi i rregjistrimit të zgjedhësve nga diaspora. Më 4 mars, ka përfunduar zyrtarisht procesi i regjistrimit në platformën e Komisionit Qendror të Zgjedhjeve PER, një hap ky i rëndësishëm për garantimin e të drejtës së votës për shqiptarët që jetojnë jashtë vendit.
