Ministrja e Drejtësisë Etilda Gjonaj ka zhvilluar ditën e sotme një takim me prokuroren “e hekurt” kroate, Tamar Laptosh e cila prangosi ish- kryeministrin e Kroacisë, Ivo Sanader.
Në fokus të takimit ka qenë zbatimi i reformës në drejtësi dhe veçanërisht ngritja e SPAK-ut, struktura që do të hetojë krimin e organizuar dhe korrupsionin në nivele të larta.
Tamar Laptosh do të jetë pjesë e ekspertëve që do të ndihmojnë në ngritjen e SPAK-ut. Përfshirja e saj si eksperte në këtë strukture është bërë për shkak të përvojës së saj me rastin e bujshëm në Kroaci.
Takimi me Gjonajn vjen në një moment kur në ministrinë e Drejtësisë po hetohen abuzimet me 5 tendera, ndërsa rasti ka sjellë edhe përplasje mes drejtueses së këtij institucioni dhe kryetares së LSI, Kryemadhi.
