Në 24 orët e fundit në Itali janë regjistruar 2499 raste të reja me koronavirus dhe 23 viktima, duke ngritur shqetësimin për një valë të dytë të COVID.
Që nga fillimi i pandemisë në Itali e kanë humbur betejën me koronavirusin 35941 persona, nga 319.908 të infektuar.
Ndërkohë qeveria italiane synon të zgjasë gjendjen e jashtëzakonshme kombëtare të lidhur me pandeminë e koronavirusit të ri deri më 31 janar, tha sot kryeministri italian Giuseppe Conte.
“Propozimi është që të zgjatet gjendjen e jashtëzakonshme deri më 31 janar”, tha ai në një konferencë shtypi në Bruksel, pas një samiti të Bashkimit Europian.
Gjendja e jashtëzakonshme aktuale mbaron në 15 tetor, por pritet që të ketë një shtyrje tjetër deri në vitin 2021.
