Në emisionin ‘Politika Online’ në Gsh.al nga gazetarja Marsela Karapanco ketë të mërkurë ishte i ftuar avokati Spartak Ngjela.
Duke folur për audio përgjimin ku sipas PD-së është i përfshirë vëllai i ministrit të Brendshëm, Ngjela thotë se FBI i ka dhënë garanci Fatmir Xhafes për autenticitetin e audios, dhe ndaj ai sfidoi Bashen me dorëheqje.
Lidhur me protestën e 26 majit të opozitës se bashkuar, Ngjela tha se Xhafaj qëndroi ne zyrë në ministri, atje ku sipas tij kishte dhe ekspertë të FBI.
Ndërsa për ish ministrin tjetër të Brendshëm, Saimir Tahiri dhe reagimin e ambasadorit amerikan Donald lu për presione mbi drejtësinë, Spartak Ngjela thotë se të vërtetën do ta nxjerrë SPAK-u, institucion i reformës në drejtësi që pritet të ngrihet.
