Policia ka shtuar kontrollet në gjithë vendin me 86 pika policore për të parandaluar ngjarjet kriminale në Shqipëri dhe për të goditur personat me precedent penal, në kërkim apo të akuzuar për krime.
Në total në 24 orët e fundit janë arrestuar 22 persona, 4 të tjerë në kërkim dhe 7 në procedim penal.
Rasti më flagrant ishte i Krujës, ku Policia gjeti 203 kg kanabis në Zallë të Fushë-Krujës. Po ashtu janë goditur dhe disa raste të tjera të trafikut të drogës dhe klandestinëve.
Jo vetëm kaq, janë bllokuar edhe 17 automjete në gjithë vendin.
