Policia e Shtetit njofton zyrtarisht se fëmija 8 vjeçar që u gjet i mbytur në “Parkun Japonez” në Korçë ka rrëshqitur aksidentalisht në rezervuar.
“Në vijim të informacionit të mësipërm, u bë identifikimi i viktimës i cili është shtetasi S. Ç., 8 vjeç, banues në Korçë. Nga veprimet e kryera rezulton se, fëmija aksidentalisht ka rrëshkitur në rezervuar dhe për pasojë është mbytur”, njofton Policia.
Ndërkohë, përpara morgut të qytetit janë mbledhur dhe familjarët e vogëlushtit të cilët kanë shpërthyer në dhimbje e lot kur kanë mësuar se trupi i fëmijës së pajetë, i përkiste djalit të tyre.
“Më datë 14.05.2020, rreth orës 16:05, në lagjen nr.3, në një rezervuar tek “Parku Japonez”, dyshohet të jetë mbytur një fëmijë rreth 8 vjeç (i seksit mashkull) ende i paidentifikuar”, thuhej në njoftimin fillestar të Policisë për lajmin e rëndë.