Një ngjarje e rëndë ka tronditur ditën e djeshme fshatin Rëmenj të Pogradecit, ku një i ri, vetëm 20 vjeç, u gjet pa shenja jete. Bëhet fjalë për Guido Dervishllarin, një djalë i njohur në zonë për pasionin e tij ndaj fotografisë dhe për natyrën e tij të qeshur dhe të dashur. Ai u gjet i vetëvarur rreth orës 14:40 në kodrat pranë fshatit nga banorë të zonës, të cilët menjëherë njoftuan familjarët dhe autoritetet.
Guido ishte një djalë energjik, i ndjeshëm dhe i përkushtuar në punën e tij si fotograf. Miqtë dhe të afërmit e tij janë shokuar nga kjo humbje e papritur, duke shpërndarë mesazhe të trishta në rrjetet sociale ku shprehin dhimbjen dhe zbrazëtinë që la pas largimi i tij. Për ta, ai do të mbetet një kujtim i bukur, i buzëqeshur, dhe i paharruar.
Ndërkohë, hetimet nga autoritetet janë në vijim për të hedhur më shumë dritë mbi rrethanat dhe arsyet që e çuan këtë të ri drejt një vendimi kaq të dhimbshëm dhe të pakuptueshëm.
AlpeNews.al ju sjell mesazhet e trishta nga të afërmit dhe miqtë e Guidos!
