Dritan Hoxholli është burri, i cili ngeli viktimë e ngjarjes së ndodhur disa ditë më parë në qytetin e Kavajës, pasi u qëllua me armë nga efektivi i policisë së burgut të Durrësit, Bledar Toçi.
Ngjarja e rëndë ndodhi brenda shtëpisë së Marsida Qatjas, e cila dyshohet se ishte e dashura e Hoxhollit. Mirëpo, për këtë të fundit thuhej se ishte person me precedentë penalë. Madje, ka qenë vetë Marsida ajo që ka thënë se Dritan Hoxholli kërkohej nga policia dhe ajo e kishte lejuar të pinte kafe në dyqanin e saj.
“Gazeta Shqip” disponon një vendim të gjykatës së Kavajës, ku Haxholli rezulton i dënuar për “mosbindje ndaj policisë” dhe “për drejtim automjeti në mënyrë të parregullt”. Sipas vendimit të gjykatës, Haxholli konsiderohet si një person me rrezikshmëri të lartë shoqërore, ndërsa krimet e tij janë të përsëritura.
Kujtojmë se në apartamentin tip duplex ku ndodhi ngjarja në pronësi të Marsida Qatjas, në momentin e shkrehjes së amëve kanë qenë të pranishëm edhe fëmijët e mitur të saj. Gjithashtu në banesë u gjetën edhe gjurmë lëndësh narkotike të llojit kokainë, e cila dyshohet se është konsumuar nga Marsida dhe personat e tjerë që e shoqëronin në banesë.
