Një grup grash , shkrimtaresh, artistesh, gazetaresh nga Franca duke përfshirë Catherine Deneuve kanë kritikuar në një letër e cila është botuar edhe në gazetën e njohur “Le Monde”, të gjithë ata “të pafajshmit” që dolën pas çeshtjes Weinstein.
Ata kanë thënë se: “Feminizëm nuk do të thotë të urresh burrat dhe seksualitetin” dhe shtojnë se: “Dhuna është një krim por jo këmbëngulja për të joshësh disa herë dikë.
Deneuve ndër të tjera ka thënë se shumë burra janë detyruar të japin dorëheqjen vetëm përse i kanë prekur gjurin dikujt ose kanë tentuar që të vjedhin një puthje, dhe janë përballur me akuza të cilat vetëm “akuza” nuk mund të quhen. Ka ndodhur që nuk i është dhënë mundësia as të përgjigjen. “Ndoshta kanë qënë në një darkë pune dhe kanë folur për biseda intime , ose mund të kenë folur me mesazhe erotike dhe për këtë kanë rënë dakort të dy, dhe nuk mund të jetë ngacmim seksual momenti kur diçka nuk shkon mirë.”
Në këtë pikë Deneuve dhe shumë të tjera kërkojnë që të bëhet dallimi midis “dhunës seksuale” që është një krim , dhe ngacmimit, joshjes apo dëshirës për të njohur dikë më shumë që nuk është krim.”Ne mbrojmë lirinë për të ngacmuar dhe jemi aq të pjekura sa të ndajmë dhunën seksuale nga tentativa për të joshur.”
