Kryefjala e ditëve të fundit ka qënë një skandal që vë në qendër Rovena Gashin, ish Drejtoreshën e Drejtorisë së Marrëdhënieve Juridiksionale me Jashtë dhe Dekriminalizimit në Prokurorinë e Përgjithshme.
Rovena Gashi ka fshehur të paktën 16 prona duke mos i deklaruar ato në Inspektoriatin e Lartë të Deklarimit dhe Kontrollit të Pasurive dhe Konfliktit të Interesit, por as edhe në formularët që ka dorëzuar për tiu nënshtruar kontrollit nga ligji për vettingun.
Kliko këtu
Por jo vetëm Rovena. Si ajo, edhe shumë drejtoresha në postet më të larta janë gjendur dhe ndodhen ende përpara akuzave, kryesisht ato të “shpërdorimit të detyrës”.
Endira Bushati, ish-drejtoresha e AMA-s, është marrë e pandehur nga Prokuroria e Tiranës nën akuzën e shpërdorimit të detyrës dhe dosja në ngarkim të saj i është dërguar gjykatës.
Në një nga shkeljet më të rënda që ka vërejtur prokuroria, për të cilën ka gjykuar se ajo duhet të merret e pandehur është fakti se vetë Bushati iu është drejtuar operatorëve televizivë duke iu kërkuar transmetime të hapura të televizioneve kombëtare, duke bërë shkelje të rënda në detyrën e saj.
Dallandyshe Bici: Hetimet për të nisën pas kallëzimit të një banori të Udënishtit në Pogradec, i cili i ka kallëzuar për prishje në mënyrë të paligjshme të lokalit të tij 450 m2, në zonën e Liqenit të Ohrit.
Pas një procesi të gjatë ajo u shpall e pafajshme.
Adriana Shehu: Ish-Drejtoresha e Zyrës së Regjistrimit të Pasurive të Paluajtshme në Sarandë, është arrestuar me akuzën për shpërdorim detyre. Nje ekzekutim i urdhrit te prokurorise lokale, e cila ka ngritur akuzen e shpërdorimit të detyrës dhe përfshirjes në fushatë elektorale ndaj Adriana Shehut.
Ajo më vonë është lënë e lirë kundrejt garancisë pasurore.
Në nëntor të 2014, Policia e Lushnjës ndaloi me urdhër të Prokurorisë, drejtoreshën arsimore në këtë qytet,Luiza Tabaku, e cila u merrte shuma të konsiderueshme mësuesve të rinj me qëllim për ti punësuar.
AlpeNews.al